Støy på landet


Vi tek inn enorme mengder informasjon og inntrykk i løpet av ein dag. På bussen, på jobb og skule, på trening, ja til og med på ferie. Vi lever i eit samfunn med mykje støy. Nesten heile tida er det noko som krev merksemda vår. Vi gøymer oss bak skjermar, roller og oppgåver. Kanskje gjer vi det med vilje? For der det ikkje er støy, der kjem stillheita og tankane våre.

Tenk deg ein vanleg dag, der du er på skule eller jobb, med høg intensitet heile dagen. Etterpå er det kanskje trening, shopping eller kaffe-bar med venner, alltid med bakgrunnsmusikk! Heime med familien kan det og vere full fart med ulike aktivitetar. Ein heilt vanleg dag er svært kompleks og inneheld ofte ein eller anna form for støy. Også tida ein brukar saman med andre har endra seg. Det å klare å vere til stades med vener og familie over tid, utan å konstant sjekke mobil og sosiale medie, kan vere utfordrande for mange.

Støy treng ikkje nødvendigvis å vere lyd, det kan vere noko anna som krev merksemd og krefter på ein negativ måte. Bruken av mobil og data berre aukar. Alt skal dokumenterast, delast og vere med på å skape bildet du vil at andre skal ha av deg. Skjermane er gode å gøyme seg bak i ukomfortable situasjonar. Vi byter roller fleire gonger om dagen, og det kjem stadig nye forventningar til oss. Dette er krevjande. Av og til kan det verte mykje, - og vi kan trenge ei pause.

Mor mi har alltid snakka om viktigheita av «grøne lommer», at alle treng tid til seg sjølv og tankane sine. Å sleppe å vere i ei rolle, berre vere seg sjølv for seg sjølv. På engelsk vert dette gjerne kalla «me time». Denne tida lyt ein gjere plass til sjølv, og i samfunnet vi lev i er det kanskje viktigare enn nokon gong. «Grøne lommer» kan ha fleire positive verknader. Blant anna er det forska på at ein ved å ta vare på seg sjølv, vert lykkelegare, betre til å vise omsorg for andre, og at ein søv betre.

Valdres er ein stor turist - og hytteregion. Valdres er gode på kultur, musikk og mattradisjonar, men kva med dette stadige kravet til «aktivitet» og at det stadig må «skje noko»? Er det ikkje nettopp fin natur, stillheit, ro og harmoni i fjellet folk vil ha, og som gjer Valdres så attraktivt? Folk i by`n går på meditasjon, mindfulness-kurs, yoga og jaktar på alternativ til kø, mas og støy. Det er fint at Fagernes har vorte by, og at det skjer utbygging på Beitostølen, Vaset og på Aurdalsåsen, men det er samtidig uhyre viktig å halde på det som er særeige for Valdres.


Vi lyt ta vare på stillheita og naturen vår. Ikkje minst må kvar og ein av oss ta vare på seg sjølv. Kor ofte har du det heilt stille og roleg rundt deg? Kor finn du dine «grøne lommer»? Vi må ikkje forsvinne i støy og roller. Bruk stillheita til å vere tilstades i ditt eige liv, sortere tankane dine og til å finne den ekte deg.

Publisert i Valdresmagasinet 26.10.17

Kommentarer

Legg inn en kommentar

Populære innlegg fra denne bloggen

Festivalfolk

Bilde
Norsk Rakfiskfestival er eit høgdepunkt kvart år. Det er då Valdres får vist seg fram. Vi får vist fram mattradisjonar, dialekt, natur og kultur. Vi får dele og styrke vår identitet med over 25 000 menneske frå by og bygd. Dette gjer oss stolte. For valdrisar er stolte! Og spesielt stolte blir vi av familie og av kjensla av å høyre til. Tipptippoldefar min, Øystein Ø. Rudi (f. 1839), starta på 1880-talet Haugseter Fjellstove på Vinsteren, og var ein av dei fyrste som delvis livnærde seg av turisme. Klart dette gjer meg stolt. Det gjev meg ei tilknyting til Valdres, som eg før ofte tenkte at eg mangla. Ingen av foreldra mine er oppvakse i Valdres, og eg snakkar heller ikkje dialekt. Eg bur i Fagernes by. Eg har kanskje ikkje sett på meg sjølv som ein heilt fullgod valdris. Bygd og by er motpolar. Kanskje har vi litt vanskeleg for å forstå kvarandre? «Byfølk» kallar dei oss som bur i Fagernes. Vi er «fine» på ting, og snakkar pent by-mål. På den andre sida trekk kans...
Les mer

Mobbing krev handling!

Bilde
I Noreg vert om lag 32.000 skuleelevar utsett for verbal, sosial, materiell, fysisk, psykisk, eller digital mobbing til ei kvar tid (Kunnskapsdepartementet). Den 13 år gamle jenta som vart funnen død i ei hytte på Beitostølen nyttårsaftan er eit eksempel på korleis det kan gå om vi ikkje tek tak i mobbing, og ho er kun eit av mange eksempel. Utestenging, uthenging, utskjelling, audmjuking, latterliggjering, truslar og baksnakking, lista er lang. Det konstante presset om å vere perfekt både av utsjåande og på sosiale media, gjer situasjonen enda verre. Kvar minste ting som skil deg frå mengda kan brukast mot deg. Høyrer ein same utsegn mange nok gonger byrjar ein å tru på det sjølv. Ein byrjar å ville endre på det som er feil, eller berre gøyme seg så godt at ingen legg merke til det. I 2002 lanserte tidligare statsminister Bondevik (KrF) eit manifest som skulle avskaffe mobbing i løpet av to år ved hjelp av nulltoleranse. 14 år seinare ser vi diverre at mobbing fortsatt ...
Les mer

#kvardagslykke

Bilde
Veit du at lykkelige menneske lever i gjennomsnitt 10 år lengre enn ulykkelege? (nrk.no) Men k va er lykke? Korleis veit ein at ein er tilstrekkelig lykkelig? Er du lykkelig? Mange set lykke på toppen av lista over mål i livet, og ein skulle tru at å oppnå lykke var ei enkel sak for oss i Noreg, - vi som bur i landet som er kåra til verdas beste land å bu i 12 år på rad. (HDI) Likevel slit fleire enn nokon gong før med psykiske problem, fleire går på antidepressiva og til psykolog. I følje ei undersøking publisert i VG, gir kvar tredje av oss terningkast fire eller lågare når vi skal vurdere lykkekjensla vår. Det er mykje som hindrar oss frå å nyte lykkekjensla; det kan vere at ein stressar på jobb eller skule, er misnøgd med karakterar eller utsjånad, at ein har lite pengar eller eit kaotisk familieliv. Ein ser fleire fellestrekk ved lykkelege menneske; dei har gode relasjonar som dei bruker tid og energi på, dei har livsmål, god sjølvkjensle, dei mimrar tilbake på ...
Les mer